Традыцыйныя абрады, святы, звычаі складаюць аснову народнай культуры. Напярэдадні навагодніх свят навучэнцы разам з выкладчыкам Хвіцько Н.М. пабывалі ў фальклорным падарожжы «Зiмовыя святы беларусаў».
Моладзь даведалася аб тым, што беларускія святы і абрады – каларытныя, вясёлыя, поўныя загадак і народнай мудрасці. Першакурснікам расказалі пра Каляды – народнае зімовае свята беларусаў, напоўненае абрадамі і забавамі, адна з якіх – калядаванне-хаджэнне па хатах, са спевамі, танцамі і тэатральнымі прадстаўленнямі.
Далучэнне моладзі да такіх мерапрыемстваў з’яўляецца захаваннем культурных народных традыцый!